Атырау жолдарында пойыз жылдамдығы екі есе артты

Бөлімше бойынша өткен жылы 55,53 шақырым жол күрделі жөндеуден өткізілді. Бүгінгі таңда ол телімдерде жолаушылар пойызының жылдамдығы 60 км/сағ – 120 км/сағатқа, жүк тасымалы пойызының жылдамдығы 50 км/сағаттан 100 км/сағатқа артты. Қазіргі уақытта жолдың көрсеткіш жоспары 70 балл болса, орындалуы 55 балды құрап отыр, яғни жол күтімі 15 балдық көрсеткішке жақсартылды.

Күрделі жөндеуден өткен телімдерде ескі темір жол төсемдері түгел алынып, орнына жаңа темір бетонды шпалдар мен түйіспесіз жолдар салынды. Бұл дегеніміз болтқа, қапсырмаға, ағаш шпалдарға деген шығынды азайтып, жолдың сапасын әлдеқайда арттырып отыр. Олар Атырау және Құлсары жол дистанциясына қарасты және Мұкыр мен 279-бекет, Кенбай-Жамансор аралығындағы қозғалыс қауіпсіздігі талаптарына жауап бермейтін ескірген телімдер еді.

Қосуйым Мұқашев

Дереккөз: «Қазақстан теміржолшысы»